Þessi orð gáfu Andrési tilefni til að moka skít yfir Ursulu.
Jóhann Þorvarðarson skrifar:
Andrés Magnússon blaðamaður á Mogganum er skrifaður fyrir erlendri frétt í blaði dagsins á blaðsíðu 34. Það er að segja ef frétt skyldi kalla. Miklu frekar er um að ræða rætin skrif manns sem hefur óbeit á Evrópusambandinu. Textinn er eins og tekinn úr smiðju hins sí arga Davíðs Oddssonar, sem ítrekað hefur dásamað stjórnmál Donalds Trump. Skrifin minna einnig á þegar Brynjar Níelsson og Sigríður Andersen réðust á sóttvarnarreglur landsins með ómálefnalegum og óskiljanlegum hætti.
Í greininni er fullyrt án rökstuðnings að Evrópusambandið glími við „yfirgengileg vandræði“ við öflun og dreifingu bóluefna. Í þessu sambandi þá þótti Andrési ekki viðeigandi að minnast á að mikið magn bóluefna finnst ekki í Bandaríkjunum þrátt fyrir ítarleit. Blaðamanninum þótti heldur ekki rétt að geta þess að dauðsföll í heiminum vegna kóvítveirunnar er hvergi meiri en í Bandaríkjum Trumps. Samkvæmt grein Þorvaldar Gylfasonar á Stundinni „Hámark misskiptingarinnar“ þá er Bretland í hópi landa þar sem dauðsföllin eru næst mest í heiminum. Þannig að fyrirmyndir Moggans eru að standa sig afar illa. Andrés hefur væntanlega ekki viljað minnast á löndin þar sem það heggur að sjálfsmynd blaðsins.
Hin meinta frétt Moggans er ósæmileg og ódrengileg.
Áfram hélt Andrés og reynir að gera lítið úr Ursulu van der Leyen framkvæmdastjóra sambandsins og segir að ýmsir krefjist afsagnar hennar. Máli sínu til stuðnings þá reynir Andrés að gera sér mat úr orðum Jean Claude Juncker fyrrverandi stjóra sambandsins. Skoðum hvað Juncker hafði raunverulega að segja og tekið skal fram að gagnrýni hans beindist að ætlun sambandsins að setja á útflutningsbann á bóluefni, sem hætt var við, og þörf á meira gagnsæi. Orðrétt þá sagði sagði Juncker „I believe it all went too slow. It hasn't been done with maximum transparency, even though that would be a difficult task“.
Í sjónvarpsviðtali fyrir tveimur dögum hjá Euronews þá sagði Juncker orðrétt:
„Speaking to Euronews, Mr Juncker was asked about the vaccine programme in Europe and said: ”I have to say that one year ago in January/February 2020 nobody thought we would have this vaccine and so it is a major success for (Europe) and international scientific research progress.
“I just think that the Commission did well not knowing what, in detail, what was happening. l think it was the right choice for the European Commission to order this vaccine in the name of the 27 (members) but now we are facing problems with the production and distribution.”
The former Luxembourgish Prime Minister was then asked if saw a risk of vaccine nationalisation or a race between the EU and other countries.
He replied: “No, as far as the European Union is concerned I don’t see this risk, this nationalised vaccination monopoly.“
Þessi orð gáfu Andrési tilefni til að moka skít yfir Ursulu. Hann reyndi einnig að draga helsta Brexit samningamann Evrópusambandsins inn í málið, Michel Barnier. Hann hefur starfað náið með Ursulu og hefur ekki sett fram neina gagnrýni á bóluefnamálið svo ég geti séð eða gefi tilefni til að dylgja eins og Andrés gerir. Háværustu gagnrýnisraddir sem komið hafa fram á Ursulu eru frá hægri öfgaflokkum (fasistaflokkum) sem eru á móti alþjóðasamstarfi. Þar má til dæmis nefna þjóðernisflokkinn „Alternative Für Deutschland“ sem hefur það á stefnuskránni að vera á móti Evrópusambandinu. Þar fer fremstur í flokki formaður flokksins Jörg Hubert Meuthen. Hin meinta frétt Moggans er ósæmileg og ódrengileg. Það er kannski ekki að furða að aðeins 11 prósent af fólki undir fimmtugu lesi blaðið enda ekki lengur hægt að treysta fréttaflutningi þaðan.