Clik here to view.
Image may be NSFW.
Clik here to view.Image may be NSFW.
Clik here to view.Svo er að sjá að Þorgerði Katrínu Gunnarsdóttur sjávarútvegsráðherra, í Viðreisn, þyki nóg um framkomu stjórnenda HB Granda. Henni þykir þeir hafa gengið of langt og talar um að framganga þeirra kalli á endurskoðun laga um sjávarútveg og eins um gjaldheimtu vegna auðlindarinnar.
Þorgerður Katrín vísar málinu til ráðherranefndar. Þar sem Viðreisn er ekki ein í ríkisstjórn er trúlegt að Þorgerður Katrín eigi eftir að reka sig á veggi. Hennar gamli flokkur, Sjáflstæðisflokkurinn, stöðvaði sjávarútvegsráðherra Framsóknar á síðasta kjörtímabili, þegar honum var nóg boðið vegna Vísismálsins, þegar það fyrirtæki lokaði vinnslum sínum á Þingeyri, Húsavík og Djúpavogi.
Hvort Þorgerði Katrínu gengur betur að finna bresti í vörn Sjálfstæðisflokksins, hvað þetta varðar, kemur í ljós.
Of snemmt er að gera ráð fyrir að svo verði.
Sigurjón M. Egilsson.
Þessi frétt Að ganga of langt birtist fyrst á miðjan.is.