„Ég er ekki í feitum forstjóraleik,“ sagði eigandi gistihússins.
Jóhann Þorvarðarson skrifar:
Greinarhöfundur rakst nýlega á gamlan félaga. Viðkomandi rekur gistiheimili. Í stuttu spjalli spurði ég hvernig reksturinn gengi. Það stóð ekki á svari. Mjög vel. Það er fullbókað í mars og apríl. Sumarið lítur vel út.
Spjallið hélt áfram. Viðkomandi sagði að ekki væri bruðlað í rekstrinum. Fyrirtækið ætti til dæmis bifreið sem væri í góðu standi, árgerð 2003.
Ég legg áherslu á nýtingu herbergja, ekki brjáluð gistiverð eins og stóru hótelin gera. Þannig er reksturinn með jafnari tekjur yfir árið. Laun hjá fyrirtækinu eru í góðu samræmi við launakröfurnar sem uppi eru hjá samtökum launþega. Ég hugsa vel um mitt fólk og fyrirtækið. Ég er ekki í feitum forstjóraleik.
Félaginn kyrjaði ekki einkennissöng atvinnurekenda, sjálfan Barlóminn. Það var öðru nær. Það var bjart yfir mínum gamla félaga.
Þessi frétt Fullbókað í mars og apríl birtist fyrst á miðjan.is.