Engum Íslendingi dylst að Ólafur Ólafsson á ekki upp á pallborðið hjá þjóð sinni.
Niðurstaða rannsóknarinnar sem Ólafur einn dregur í efa, er sú að hann hafi blekkt allt og alla. Bankamálaráðherrann, fjármálaráðherrann, fyrrverandi banskastjóra Seðlabankans og margreyndan ráðherra, hóp reyndra viðskiptamanna, allt eftirlitið og þjóðin alla. Og það nánast fyrir opnum tjöldum.
Niðurstaðan er eflaust rétt. Það er samþykkt með öllum greiddum atkvæðum gegn einu. Atkvæði Ólafs.
Sumum gengur illa að trúa að sú sé reyndin. En ekki verður deilt um þetta, eða hvað?
Svo er hitt. Má vera að margt af því fólki, sem sagt er hafa verið blekkt og platað, sitji nú í skjóli Ólafs og láti fara eins vel um sig og hugsast getur miðað við aðstæður?
Má vera að í skjólinu sé því fagnað af einlægni að öllum skotum sé beint að Ólafi? En ekki þeim sem nú húka í skjólinu sem skapast af Ólafi. Það má vel vera.
Sigurjón M. Egilsson.
Þessi frétt Er gott skjól í Ólafi Ólafssyni? birtist fyrst á miðjan.is.