Maðurinn er á stanslausri grenjuskjóðu vegferð árið út og árið inn.
Jóhann Þorvarðarson skrifar:
Barlómastjóri Íslands mætti Drífu Snædal í Víglínu helgarinnar á stöð tvö og brást ekki frekar en fyrri daginn. Tókst að botna sjálfan sig. Sagði orðrétt í þættinum „Það er auðvitað þyngra en tárum taki að um leið og launahækkanir taka gildi munu fjöldinn allur af atvinnurekendum líta á þá kostnaðaraukningu sem kemur til framkvæmda og bregðast við því, því miður, með frekari uppsögnum“. Umsamdar hækkanir koma um næstu áramót. Hér lætur Halldór Benjamín sem hann sé einhver spámaður mikill, en svo er ekki.
Á góðæristímanum þá sá hann aldrei til sólar.
Á myndinni sem fylgir gefur að sjá fjölda á atvinnuleysisskrá frá aldamótaárinu og út október í ár. Það er regla að atvinnuleysi fer upp á við á útmánuðum og svo mun einnig verða á næsta ári. Hann bætti síðan við og sagði „Þess vegna höfum við viljað reyna leiðir til þess að reyna að vinda ofan af þessu með einum og öðrum hætti en ekki fengið áheyrn um það hjá verkalýðshreyfingunni“. Hann er náttúrulega að krefja láglaunafólk um launalækkun, afþakka umsamdar og verðskuldaðar launahækkanir. Maðurinn er á stanslausri grenjuskjóðu vegferð árið út og árið inn. Á góðæristímanum þá sá hann aldrei til sólar. Ekki frekar en meðsöngvari hans hjá Samtökum ferðaþjónustunnar, Jóhannes Þór Skúlason. Halldór reynir núna að stilla hlutum þannig upp að hann geti sagt eftir á hafa verið búinn að vara við árstíðabundinni aukning atvinnuleysis. Ætli Halldór hafi dregið út töfraspilið í Tarot spilastokknum sínum til að sjá fyrir það sem allir vita.