„Sjálfstæðisflokkurinn er ekki stjórnmálaflokkur, heldur bófaflokkur, sem rekur stjórnsýsluna eins og þjófræði í eigu mafíu.“
Þetta er tilvitnun í minn gamla lærimeistara Jónas heitinn Kristjánsson. Hann skrifaði þetta í júní 2018. Allir sem vilja vita hvað Jónas átti við með orðavalinu. Hefur Bjarni breyst eða hefur bófaflokkurinn gert það? Nei.
Nýjasta hugverk „bófaflokksins“ er að koma upp og virkja flóttamannabúðum á Íslandi. Það er samt ekki þeirra vegna sem ég leita í smiðju Jónasar. Það var frekar þetta: Það er mjög varasamt að fara hreyfa mikið við atvinnuleysisbótum þannig að þú sért á endanum jafn settur, og mögulega ef menn ganga of langt, betur settur heldur en þeir sem eru að mæta til vinnu og og skila öllu sínu.“
Jóhann Þorvarðarson, okkar fíni greinarhöfundur, skrifar um þessi dæmalausu orð Bjarna og segir: „Bandarískir stjórnmálamenn eru alveg ósammála íslenska fjármálaráðherranum og hafa hækkað atvinnuleysisbætur tímabundið langt upp fyrir það sem þær voru fyrir veirufaraldurinn. Árangurinn hefur ekki látið á sér standa. Eftirspurn tók U-beygju upp á við og atvinnuleysi minnkaði mikið. Viðhorf íslenska fjármálaráðherrans og hans fylgifiska er sérstakt efnahagsvandamál og ógn við almannahagsmuni. Ógnin mun leiða til uppgjörs og ráðherrann mun þurfa að víkja sæti fyrr en hann óskar sér.“
Nú þarf að spyrja hvers vegna kýs Bjarni að tefla svo djarft þegar á taflborði hans er lifandi fólk. Hverslags skák er það? Er allt gert til að „mafían“, sem Jónas kallar svo, fáið haldið lægstu launum sem lægstum. Fyrir neðan allt sem getur talist mannsæmandi?
Þá er spurt, er Bjarni foringi bófanna eða verkfæri þeirra?
-sme