Forsætisráðherra er í algerri uppgjöf og horfir bara tómum augum út í tómið.
Þór Saari skrifar:
Klúður ríkisstjórnarinnar í efnahagsmálum er alveg einstakt. Fjármálaráðherra mokar skattfé í vasa fyrirtækjaeigenda sem margir hverjir er vitað að eru að svindla á hlutabótaleiðinni og forsætisráðherra er í algerri uppgjöf og horfir bara tómum augum út í tómið. Þetta mun verða almenningi dýrt, mjög dýrt. „Vanhæf ríkisstjórn!“, við höfum sagt það áður og þurfum að segja það aftur. Kjarninn er með þetta:
„Hlutabótaleiðin mun líkast til kosta 45 sinnum meira en upphaflega var lagt upp með. Hún hefur, að mati ríkisendurskoðunar, verið misnotuð á margan hátt til að ná út fé úr ríkissjóði. Nú býðst sömu fyrirtækjum sem hana nýttu ríkisstyrkir til að reka fólk.“
