Clik here to view.
Clik here to view.
Clik here to view.
Þetta gengur þvert á þann áróður að lægst launuðu konurnar hafi fengið mestu hækkanir undanfarin ár.
Jóhann Þorvarðarson skrifar:
Ég hef verið að dunda mér við eigin hagrannsókn. Ástæðan er að oddvitar ríkisstjórnarinnar hafa verið duglegir að setja fram staðhæfingar sem eru andstæðar mínu stöðumati. Svo hafa þekktir framverðir ýmissa sérhagsmunasamtaka atvinnulífsins verið óhreinir og sett ítrekað fram falskan áróður til að halda láglaunafólki áfram á sínum kvalastað.
Ég hygg að flestir muni yfirlýsingar frá kjarabaráttu undanfarinna ára að lægst launaða fólkið hafi fengið mestu hækkanirnar í prósentum talið. Ég ætla að taka boltann á lofti og sýna fram á að þessu sé öfugt farið þegar mælt er í krónum.
Ég hef hrakið þessa fullyrðingu og sýnt fram á hið gagnstæða.
Í þessari grein þá beini ég kastljósinu að einstæðum barnlausum konum sem búa í leiguhúsnæði og eru á aldrinum 35-49 ára. Með því að velja þennan hóp þá get ég útilokað barnabætur því ekki eiga allar konur börn og aðrar eiga uppkomin börn. Þannig næ ég að einfalda myndina.
Á myndinni að neðan má sjá hvað ráðstöfunartekjur kvennanna hafa hækkað um margar krónur á mánuði síðan um aldamót. Tíund 1 geymir konur með lægstu ráðstöfunartekjurnar og tíund 10 inniheldur konur með hæstu ráðstöfunartekjurnar. Afgangur hópsins er þarna á milli. Glögglega má sjá að lægst launuðu konurnar (tíund 1) hafa fengið lang minnstu aukningu ráðstöfunartekna eða tæplega 23 þúsund krónur á mánuði. Hæst launuðu konurnar (tíund 10) hafa hækkað mest eða um 97 þúsund krónur á mánuði. Konurnar í tíund 4 fá einnig mjög nauma hækkun eða rúmlega 26 þúsund krónur á mánuði. Heilt yfir þá sýnir myndin að því hærri sem tekjurnar eru því meira hafa ráðstöfunartekjur hækkað. Þetta gengur þvert á þann áróður að lægst launuðu konurnar hafi fengið mestu hækkanir undanfarin ár. Sem sagt, ójöfnuður er vaxandi á Íslandi og lægst launuðu konurnar hafa setið illa eftir.
Ég er ekki í vafa um hver viðbrögð forsætisráðherra yrðu ef hún er spurð um þessar niðurstöður. Hún myndi segja að búið sé að gera breytingar á tekjuskattskerfinu sem tóku gildi um síðustu áramót og þeir lægst launuð njóta mest af þeim breytingu. Ég hef hrakið þessa fullyrðingu og sýnt fram á hið gagnstæða. Í þessu sambandi vísa ég í aðra grein frá mér hér á Miðjunni sem heitir „Hvað segja Katrín og Mummi núna?“.
Clik here to view.
