Jóhann Þorvarðarson skrifar:
Ásmundur Friðriksson, þingmaður Sjálfstæðisflokksins, sendir skilaboð um að boðuð verkföll rími illa við fall WOW air. Kallar þingmaðurinn eftir ábyrgðarkennd hjá aðilum vinnumarkaðarins sem nú deila um kjör.
En er Ásmundur rétti aðilinn til að kalla eftir ábyrgðakennd hjá öðrum? Hann hefur verið þjófkenndur og sá sig tilneyddan til að endurgreiða oftekin aksturspening. Hann hefur líka verið vændur um ósannsögli í ræðustól Alþingis. Hann sakaði öryrkja um að vilja ekki afnema krónu á móti krónu skerðingu.
Hvar var ábyrgðakennd Ásmundar þegar hans eigin þinglaun voru hækkuð um tugi prósenta? Gekk hann fram fyrir skjöldu og barðist á móti eigin launahækkunum.? Hækkunum sem allir vissu að myndu fara illa í hinn almenna launþega í landinu.
Nei, þá fór lítið fyrir ábyrgðakennd sem hann krefur aðra nú um. Krafa Ásmundar er argasta tvöfeldni og grjótkast í gegnum mörg glerhýsi.
Þessi frétt Ásmundur Friðriksson varpar ábyrgðinni birtist fyrst á miðjan.is.